मनपा मुख्यालयावरच अवैध बॅनर्स! प्रशासनाच्या कारभारावर प्रश्नचिन्हशहरातील अनधिकृत बॅनर्सवर कारवाई करणाऱ्या मनपाच्या मुख्यालयातच नियमांचा भंग? नितीन उदार यांची चौकशी व कारवाईची मागणी

चंद्रपूर जिल्हा विशेष प्रतिनिधी हानिशा दुधे 

🔥 मनपा मुख्यालयावरच अवैध बॅनर्स! प्रशासनाच्या कारभारावर प्रश्नचिन्ह

शहरातील अनधिकृत बॅनर्सवर कारवाई करणाऱ्या मनपाच्या मुख्यालयातच नियमांचा भंग? नितीन उदार यांची चौकशी व कारवाईची मागणी

चंद्रपूर | हनिशा दुधे, जिल्हा विशेष प्रतिनिधी

चंद्रपूर शहरात अनधिकृत बॅनर्सचा मुद्दा पुन्हा ऐरणीवर आला असून, यावेळी थेट महानगरपालिका मुख्यालयावरच अवैध बॅनर्स लावल्याचा आरोप करण्यात आला आहे. शहरातील अनधिकृत बॅनर्सवर कारवाईची जबाबदारी असलेल्या प्रशासनाच्या मुख्यालयातच असे बॅनर्स लागल्याने मनपा प्रशासनाच्या कार्यक्षमतेवर प्रश्नचिन्ह उपस्थित झाले आहे.

या प्रकरणी जाणता राजा पक्षाचे नितीन उदार यांनी मनपा आयुक्तांकडे निवेदन साद करून संबंधित अधिकारी व कर्मचाऱ्यांची जबाबदारी निश्चित करावी, तसेच नियमानुसार तातडीने कार्यवाही करावी, अशी मागणी केली आहे.

नियम शहरासाठी वेगळे आणि मनपासाठी वेगळे?

शहरातील विविध भागांमध्ये अनधिकृत बॅनर्स लावल्यास मनपाकडून कारवाई केली जाते. मात्र, ज्या कार्यालयाकडून शहरातील बॅनर्सवर नियंत्रण ठेवले जाते, त्याच मुख्यालयाच्या इमारतीवर व आवारात अनधिकृत बॅनर्स लागल्याचा आरोप होत असेल, तर प्रशासनाच्या भूमिकेवर सवाल उपस्थित होणे स्वाभाविक आहे.

“नियम सर्वांसाठी समान असतील, तर त्याची सुरुवात मनपा मुख्यालयापासूनच झाली पाहिजे. स्वतःच्या कार्यालयावरील अनधिकृत बॅनर्स प्रशासनाला दिसत नसतील, तर शहरातील बॅनर्सवर कारवाई कोणत्या आधारावर केली जाते?” असा सवाल नितीन उदार यांनी उपस्थित केला.

⚠️ विद्रुपीकरणासोबत अपघाताचा धोकाही

अनधिकृत बॅनर्समुळे शहराच्या सौंदर्यावर परिणाम होण्यासोबतच वाहनचालकांचे लक्ष विचलित होऊन अपघाताचा धोका निर्माण होऊ शकतो. परवानगीशिवाय जाहिराती लावल्यामुळे महानगरपालिकेच्या जाहिरात महसुलाचे नुकसान होण्याची शक्यताही निवेदनातून व्यक्त करण्यात आली आहे.

⚖️ उच्च न्यायालयाच्या आदेशांची काटेकोर अंमलबजावणी करा

अनधिकृत बॅनर्स, होर्डिंग्ज आणि पोस्टर्सविरोधात मुंबई उच्च न्यायालयाने वेळोवेळी कठोर भूमिका घेतली आहे. संबंधित न्यायालयीन प्रकरणांचा संदर्भ देत अनधिकृत जाहिरातींवर प्रभावी व निष्पक्ष कारवाई करण्याची मागणी करण्यात आली आहे.

बॅनर लावणाऱ्यांसोबतच संबंधित बॅनरमधून प्रसिद्धी किंवा लाभ घेणाऱ्या व्यक्तींचीही जबाबदारी निश्चित करून नियमानुसार कार्यवाही करावी, अशी मागणी उदार यांनी केली आहे.

🚨 “आधी स्वतःच्या मुख्यालयापासून सुरुवात करा!”

मनपा मुख्यालयावरील अनधिकृत बॅनर्सची तत्काळ पाहणी करून ते हटवावेत, संबंधित अधिकारी-कर्मचाऱ्यांची जबाबदारी निश्चित करावी, तसेच नियमांचे उल्लंघन करणाऱ्यांवर कायद्यानुसार कारवाई करावी, अशी मागणी निवेदनातून करण्यात आली आहे.

आता मनपा प्रशासन या आरोपांची दखल घेऊन प्रत्यक्षात काय कार्यवाही करते, याकडे चंद्रपूरकरांचे लक्ष लागले आहे.