*बौद्ध धम्म संस्कार संघ, श्रावस्ती विहार, सांगली येथे महात्मा ज्योतिराव फुले यांच्या जयंतीनिमित्त कार्यक्रम मोठ्या उत्साहात व सामाजिक जाणीव जागवणाऱ्या वातावरणात साजरा*

सांगली जिल्हा प्रतिनिधी उषाताई कांबळे 

बौद्ध धम्म संस्कार संघ, श्रावस्ती विहार, सांगली येथे महात्मा ज्योतिराव फुले यांच्या जयंतीनिमित्त कार्यक्रम मोठ्या उत्साहात व सामाजिक जाणीव जागवणाऱ्या वातावरणात साजरा करण्यात आला.

कार्यक्रमाची सुरुवात महापुरुषांच्या प्रतिमेला पुष्प अर्पण करून अभिवादनाने करण्यात आली.

प्रमुख वक्ते संतोष कांबळे सर यांनी आपल्या भाषणात आजच्या काळात महात्मा फुले यांच्या विचारांचे महत्त्व अधोरेखित करताना स्पष्टपणे सांगितले की,

👉 शिक्षण, समता आणि विवेक हाच समाज परिवर्तनाचा खरा मार्ग आहे.

यानंतर विहाराचे सभासद विजय भाऊ लांडगे, पवन कदम व सोनिका कांबळे यांनी सादर केलेल्या पथनाट्याने कार्यक्रमाला विशेष रंगत आणली.

“आधुनिक सावित्री, आधुनिक जोतिबा फुले, आधुनिक बाबासाहेब” या संकल्पनेतून त्यांनी समाजातील अज्ञान, अंधश्रद्धा व असमानतेवर प्रहार करत प्रभावी संदेश दिला.

कार्यक्रमास विहाराचे संचालक, संचालिका, सभासद, उपासक-उपासिका तसेच सामाजिक चळवळीतील विविध कार्यकर्ते, मित्रबंधू व मोठ्या संख्येने बालक व बालिका उपस्थित होते.

कार्यक्रमाच्या निमित्ताने एक महत्त्वाचा संदेश देण्यात आला —

👉 महापुरुषांची जयंती फक्त साजरी न करता त्यांच्या विचारांचे आचरण करणे हीच खरी आदरांजली आहे.

कार्यक्रमाच्या शेवटी सर्वांसाठी भोजन व्यवस्था करण्यात आली. भोजनदानासाठी सहकार्य करणारे तसेच कार्यक्रम यशस्वी करण्यासाठी परिश्रम घेणाऱ्या सर्वांचे मनःपूर्वक आभार मानण्यात आले.

💙 समता, शिक्षण आणि बंधुता या मूल्यांचा प्रसार करण्याचा निर्धार यावेळी सर्वांनी व्यक्त केला.